- अध्यक्षपदी शंकरराव पवार, कार्याध्यक्षपदी भारत शिंदे तर सचिवपदी अनिल सोनवणे यांची निवड !
जागर न्यूज : पत्रकारांच्या संघटना या केवळ पदापुरत्या असू नयेत तर विविध उपक्रमातून त्यांचे आस्तित्व सदैव दिसत रहावे, संघटनांच्या माध्यमातून पत्रकारांना बळ मिळावे असे आवाहन जेष्ठ पत्रकार आणि चित्रपट अभिनेते अशोक गोडगे यांनी केले.
पत्रकार संरक्षण समिती महाराष्ट्र राज्य या पत्रकार संघटनेची वार्षिक सर्वसाधारण सभा आयोजित करण्यात आली होती. यावेळी आगामी वर्षासाठी संघटनेच्या पदाधिकाऱ्यांच्या निवडी करण्यात आल्या. या सभेत अशोक गोडगे बोलत होते. पत्रकारांची संख्या वाढतेय परंतु त्या तुलनेत गुणवत्ता मात्र ढासळत असल्याचे दिसते. पत्रकार हा समाजाचा आरसा असतो त्यामुळे पत्रकारांनी समाजाभिमुख राहावे, सतत अभ्यासाची भूमिका जपावी असे आवाहन देखील त्यांनी यावेळी केले. या सभेत पत्रकार संरक्षण समितीच्या पदाधिकाऱ्यांच्या एकमताने निवडी करण्यात आल्या. संघटनेचे पश्‍चिम महाराष्ट्र अध्यक्ष भगवान वानखेडे यांचे अध्यक्षतेखाली झालेल्या या सभेसाठी जेष्ठ पत्रकार आणि मार्गदर्शक अशोक गोडगे, नंदकुमार देशपांडे, उमेश टोमके उपस्थित होते.
यावेळी पत्रकार संरक्षण समिती या पत्रकार संघटनेच्या अध्यक्षपदी दै. पुण्यनगरीचे पत्रकार शंकरराव पवार यानीं तर उपाध्यक्षपदी 'महाराष्ट्र क्राईम न्यूज' चे लखन साळुंखे यांची एकमताने निवड करण्यात आली. 'जागर न्यूज' चे अनिल सोनवणे यांची सचिवपदी तर कार्याध्यक्षपदी भारत शिंदे (न्यूज इंडीया) खजिनदारपदी लिंगेश भुसनर (खबर 24), प्रसिद्धीप्रमुखपदी सलीम मणेरी (दै. बाळकडु), यांच्या निवडी सर्वानुमते करण्यात आल्या. यावेळी जेष्ठ पत्रकार अशोक गोडगे यांच्या हस्ते सर्व नुतन पदाधिकार्‍यांचा सत्कार करण्यात आला.
यावेळी माजी अध्यक्ष विरेंद्रसिंह उत्पात (न्युज 18 लोकमत) , जाकीर नदाफ (एस. प्राईम न्युज), श्रीकांत कसबे (जोशाबा टाईम्स), राजेश शिंदे ( दै.अपडेट माझा पेपर) तसेच डॉ. शिवाजी पाटोळे (पंढरपूर लाईव्ह न्यूज), डॉ. राजेश फडे (ज्ञानप्रवाह), सचिन दळवे (दै,जनपथ, इनो न्यूज), सुदर्शन खंदारे (पंढरी उदय), गौतम जाधव (विठ्ठल टाईम्स्), लक्ष्मण जाधव (कनकंबा एक्सप्रेस), विकी साठे (बातमी 24 तास), मुकूंद माने-देशमुख (गँगवार), शंकरराव कदम (धन्यवाद), उत्तम अभंगराव (एस.पी. पंढरी), गणेश गायकवाड (ए.बी. न्यूज), शरद कारटकर , धीरज साळुंखे, संजय हेगडे (दै.सकाळ तिसंगी), अशोक पवार (फर्स्ट न्यूज महाराष्ट्र), अमोल कुलकर्णी (दै.राष्ट्रसंचार), आनंद भोसले, राजकुमार घाडगे (दै.सकाळ) आदी पत्रकार सदस्य उपस्थित होते.
कोणत्याही टिप्पण्‍या नाहीत:
टिप्पणी पोस्ट करा