'पीएफआय'च्या म्होरक्या सोलापुरातून एटीएस च्या ताब्यात !

सोलापूर: एनआयए आणि एटीएस च्या पथकाने सोलापूर येथील आसिफ शेख याला ताब्तात घेण्यात आले असून पीएफआय चे सोलापूर कनेक्शन उघड झाले आहे.   

राष्ट्रीय तपास यंत्रणा आणि राज्य दहशतवादविरोधी पथकाकडून पॉप्युलर फ्रंट ऑफिस इंडिया (PFI) संघटनेशी ठिकाणांवर पुन्हा एकदा छापे टाकण्यात आले आहेत. नवरात्रीच्या निमित्ताने काही अनुचित प्रकार घडेल अशी शक्यता वर्तविण्यात आल्याने देशभर आणि राज्यात विविध ठिकाणी हे छापे टाकून कारवाई करण्यात येत आहे. पीएफआय संघटनेशी संबंधित अनेक ठिकाणावर छापेमारी सुरू केली आहे. यामध्ये आतापर्यंत औरंगाबादमधून १३ तर सोलापुरातून एका व्यक्तीला ताब्यात घेण्यात आल्याची प्राथमिक माहिती समोर आली आहे. इतर ठिकाणीही छापेमारी सुरू असल्याची माहिती सूत्रांनी दिली आहे. पुणे, मुंबई, सांगली, विदर्भात देखील अशी कारवाई करण्यात आली आहे.

सोलापुरातील सहारा नगर येथील असिफ शौकत शेख(वय ४० वर्ष,रा,सिद्धेश्वर नगर,सहारा नगर जवळ,सोलापूर) याला ताब्यात घेण्यात आले आहे. गेल्या अनेक महिन्यापासून असिफ हा ,पीएफआय संघटनेचा सोलापुरातील म्होरक्या म्हणून काम पाहत होता. सोलापूर जिल्हाधिकारी कार्यालयासमोर असिफ शेख याने अनेकदा काही कार्यकर्त्यांना घेऊन विविध मागण्यांसाठी आंदोलन देखील केले होते.

असिफ हा विवाहित आहे.आपल्या कुटुंबाचा उदरनिर्वाह करण्यासाठी त्याने सोलापूर शहरात असलेल्या मदिना चौक येथे मासे तळण्याचा व्यवसाय करत होता. त्यासोबत पीएफआय या संघटनेची सोलापुरातील धुरा सांभाळत होता. असिफ हा विवाहित असून तीन मुलं आहेत. काही दिवसांपूर्वीच पीएफआयच्या कार्यलयांवर देशभरात छापेमारी झाली होती. जवळपास १०० जणांना अटक करण्यात आली होती. औरंगाबाद एटीएस आणि पोलिसांनी मोठी कारवाई करत पीएफआयचे आणखी १३ ते १४ कार्यकर्ते ताब्यात घेतले. एकाच वेळी पीएफआयच्या कार्यकर्त्यांना अटक करण्यात आली. औरंगाबाद पोलीस आणि एटीएसकडून रात्रभर छापेमारीची कारवाई सुरू होती.

कल्याण मधील पीएफआयचा ऍक्टिव्ह कार्यकर्ता फरदिन पईकर कल्याणच्या बाजारपेठ पोलिस आणि ठाणे खंडणी विरोधी पथकाने संयुक्त कारवाईं करत ताब्यात घेतले आहे.फरदीन आपल्या आई आणि पत्नी सोबत कल्याण पश्चिमेकडील रोहिदास वाडा परिसरात आझाद चाळीत राहत आहे .अनेक वर्षांपासून या परिसरात तो सामाजिक कार्य करत असल्याची माहिती देखील समोर आली आहे. पोलिसांनी पहाटे या तरुणाला ताब्यात घेतल्याची माहिती आहे. याशिवाय, सांगली जिल्ह्यातही पोलिसांनी पीएफआयशी संबंधित लोकांवर कारवाई केली आहे. 

चौकशीसाठी एका संशयिताला ताब्यात घेण्यात आले आहे. याशिवाय, दोघांना मुंब्रामधून आणि एकाला कल्याण आणि भिवंडीतून अटक करण्यात आली आहे. हे चारही जण पीएफआयचे सक्रिय कार्यकर्ते आहेत. तसेच पुणे आणि मुंबईतूनही काही जणांना अटक करण्याची आल्याची माहिती आहे..

•